二〇二八／二九學年 · 小一入學
全港頭50名小學
報名與面試日期
排名參考 Sunday Kiss《全港小學2026 香港100強》（民間排名，非教育局官方）。表內日期為最新一屆（2027/28學年入學，即2026年進行）嘅實際安排；2028/29學年（2027年報名）各校暫未公布，「預計2027報名期」按今屆推算，正式公布前請再核實。
整理於 2026年11月6日直資／私立 16 間 · 官立／資助 34 間最近更新：九龍塘學校（小學部）公布今屆日期
由K2到小一
而家讀K2，2027年報名，2028年9月入學
2027年7月至9月大部分直資／私立報名；10月至12月面試
2027年9月中下旬官津「自行分配學位」申請，只可揀一間
2027年11月九龍塘學校報名；自行分配學位結果公布
預計2027年開始報名月份
一年報名日曆
直資／私立按今屆日期推算，撳校名可以跳去詳細資料。官津學校全部喺9月經教育局統一辦理。每個月份嘅顏色，喺下面學校列表左邊嘅色條會再出現。
女生可報男校官立／資助（統一辦理）
面試前讀一讀
家長同小朋友嘅準備
根據傳媒報道、校長分享及往年家長經驗整理。每間學校嘅攻略喺上面校名下面撳「面試攻略」打開。學校每年都可能改形式，以當屆公布為準。
家長面試常見問題
- 點解揀呢間學校？對學校同小朋友有咩期望？
- 你哋嘅教育理念？認唔認同學校理念？
- 小朋友有咩要改善？你會點幫佢？
- 點培養閱讀習慣？平日點溝通？假期點安排？
- 返工忙唔忙？每日陪小朋友幾耐？邊個教功課？
- 點睇家校合作？
小朋友常考題型
- 中英文自我介紹：名、年齡、幼稚園、屋企人
- 看圖講故事、排圖卡次序、圖中有咩唔合理
- 20以內加減，買嘢找錢等生活應用題
- 情景題：同父母走失點做？火警點做？
- 小組遊戲：砌積木、拼圖、跟指示做動作
- 自理：綁鞋帶、摺衫
校長們嘅提醒
- 禮貌最重要。遲到未必扣分，冇禮貌一定扣分。
- 唔好背答案。題目設計睇思維，背誦好易被睇穿。
- 入場前唔好訓話。反覆叮囑會令小朋友緊張。
- 聖保羅男女附小校長嘅三個加分位：喜愛學習、好奇愛發問、專心聽完再表達。
- 學校會留意家長有冇過度催谷，多傾偈多閱讀比操題有用。
- 等候時都可能被觀察，排隊同畫畫都要守規矩。
- 官立／資助小學
- 自行分配學位按計分，一般唔設面試。
- 叩門
- 統一派位結果出咗之後，可以向心儀學校叩門補位，部分學校會見小朋友同家長，最重禮貌。
- 準備
- 一份簡潔嘅作品集同家長信；自我介紹同生活常識就夠。